ಆಟೋ ಮತ್ತು ಬೈಕ್ ಗಳ ನಡುವೆ ಭೀಕರ ಅಪಘಾತ – ಸಿನೆಮಾದಂತೆ ಮೂರು ವಾಹನಗಳು ಮುಖಾಮುಖಿ ಡಿಕ್ಕಿ ಲೈವ್ ಅಪಘಾತ ಸಿಸಿ ಟಿವಿಯಲ್ಲಿ ಸೆರೆ

ಬೆಂಗಳೂರು –

ಎರಡು ಬೈಕ್ ಮತ್ತು ಒಂದು ಆಟೋ ನಡುವೆ ಮುಖಾಮುಖಿ ಡಿಕ್ಕಿಯಾದ ಘಟನೆ ಬೆಂಗಳೂರಿ ನಲ್ಲಿ ನಡೆದಿದೆ. ಆಟೋ ಚಾಲಕ ಮಾಡಿದ ಒಂದು ಯಡವಟ್ಟಿಗೆ ಭೀಕರ ಅಪಘಾತ ಸಂಭವಿಸಿದೆ.

ಬೆಂಗಳೂರಿನ ಚಾಮರಾಜಪೇಟೆಯಲ್ಲಿ ಜನವರಿ 25 ರಂದು ನಡೆದ ಈ ಒಂದು ಘಟನೆ‌ ತಡವಾಗಿ ಬೆಳಕಿಗೆ ಬಂದಿದೆ.ಅಪಘಾತದ ಭೀಕರ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು ಜನರು ಬೆಚ್ಚಿ ಬಿದಿದ್ದಾರೆ.

ಆಟೋ ಮತ್ತು 2 ದ್ವಿಚಕ್ರ ವಾಹನದ ನಡುವೆ ಈ ಒಂದು ಅಪಘಾತ ಸಂಭವಿಸಿದೆ.ಮೂರೂ ದಿಕ್ಕಿನಿಂದ ಬಂದ ಮೂರು ವಾಹನಗಳ ನಡುವೆ ಡಿಕ್ಕಿ ಹೊಡೆದುಕೊಂಡಿವೆ.ಸ್ಕೂಟರ್ ಚಾಲಕನಿಗೆ ಗಂಭೀರ ಗಾಯವಾಗಿದೆ.

ಆಟೋ ಬೈಕ್ ಹಾಗೂ ಮತ್ತೊಂದು ಬೈಕ್ ಏಕಕಾಲದಲ್ಲಿ ಡಿಕ್ಕಿ ಹೊಡೆದಿವೆ. ಸದ್ಯ ಆಟೋ ಬೈಕ್ ಗಳು ಸಂಪೂರ್ಣ ಜಖಂಗೊಂಡಿವೆ. ಚಿಕ್ಕಪೇಟೆ ಸಂಚಾರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ತನಿಖೆ ಮುಂದುವರೆಸಿದ್ದಾರೆ.

ಗಾಯಾಳುಗಳನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಇನ್ನೂ ಮೂರು ವಾಹನಗಳ ಅಪಘಾತದ ದೃಶ್ಯ ಸಿಸಿ ಟಿವಿಯಲ್ಲಿ ಭಯಾನಕವಾಗಿ ಸೆರೆಯಾಗಿದ್ದು ನೋಡಿದರೆ ಭಯವಾಗುತ್ತಿದೆ ಸಿನೆಮಾದಲ್ಲಿ ಕಂಡು ಬರುವ ದೃಶ್ಯಗಳಂತೆ ಇಲ್ಲಿ ಕಂಡು ಬಂದಿದೆ.