ಅಧಿಕಾರಿಗಳ ಮುಂದೆಯೇ ವಿಷ ಸೇವಿಸಿ ಆತ್ಮಹತ್ಯೆಗೆ ಯತ್ನಿಸಿದ ಕಂಡಕ್ಟರ್ – ಆಸ್ಪತ್ರೆಗೆ ದಾಖಲು…..

ಹೊಸಪೇಟೆ –

ಅಧಿಕಾರಿಗಳ ಮುಂದೆಯೇ ಬಸ್ ಕಂಡಕ್ಟರ್ ರೊಬ್ಬರು ವಿಷ ಸೇವಿಸಿ ಆತ್ಮಹತ್ಯೆಗೆ ಯತ್ನಿಸಿದ ಘಟನೆ ಹೊಸಪೇಟೆ ಯಲ್ಲಿ ನಡೆದಿದೆ.ಹೊಸಪೇಟೆ ನಗರದ NWKRTC. ಬಸ್ ನಿಲ್ದಾಣದಲ್ಲಿ ಈ ಒಂದು ಘಟನೆ ನಡೆದಿದೆ

ಹೊಸಪೇಟೆ ಘಟಕದ ಕುತ್ತುಬುದ್ದೀನ್ ಎನ್ನುವವರು ಪೆನಾಯಿಲ್ ಕುಡಿದು ಆತ್ಮಹತ್ಯೆಗೆ ಯತ್ನಿಸಿದ್ದಾರೆ. ಬಳ್ಳಾರಿಯಿಂದ ಪಾಸರ್ಲ್ ತರುವ ವಿಷಯವಾಗಿ ಬಳ್ಳಾರಿಯ ಕಾರ್ಗೊ ಸಿಬ್ಬಂದಿ ಮತ್ತು ಕಂಡಕ್ಟರ್ ನಡುವೆ ವಾದ-ವಿವಾದ ನಡೆದಿತ್ತು.ಆಗ ಕಾರ್ಗೊ ಸಿಬ್ಬಂದಿ ಜಗಳದ ಆಡಿಯೋ ರೆಕಾರ್ಡ್ ಮಾಡಿ ಹೊಸಪೇಟೆಯ ಡಿಟಿಒ ಅಧಿಕಾರಿಗೆ ನೀಡಿದ್ದರು. ಅಧಿಕಾರಿಗಳು ಕುತ್ಬುದ್ದೀನ್ ಕರೆಯಿಸಿ ಘಟನೆ ಕುರಿತು ವಿಚಾರಣೆ ನಡೆಸಿದ್ದಾರೆ.ಇದೇ ವೇಳೆ ಜೇಬಿನಲ್ಲಿದ್ದ ಬಾಟಲಿ ತೆಗೆದು‌ ಪೆನಾಯಿಲ್‌ ಕುಡಿದು ಬಳಿಕ ಸ್ಥಳದಿಂದ ಓಡಿಹೋಗಿದ್ದಾನೆ.ನಂತರ ಆತನ ಬೆನ್ನಟ್ಟಿ ಹಿಡಿದು ಆಸ್ಪತ್ರೆಗೆ ದಾಖಲಿಸಿದ್ದು ಕಂಡಕ್ಟರ್ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.