ಶಿವಮೊಗ್ಗ –
ಇದೊಂದು ಆನ್ ಲೈನ್ ನಲ್ಲಿ ಏನೋ ಮಾಡಲು ಮೋಸಕ್ಕೆ ಒಳಗಾದ ಶಿಕ್ಷಕಿಯೊಬ್ಬರ ಸ್ಟೋರಿ. ಹೌದು ಗೋಣಿ ಚೀಲ ಖರೀದಿಸಲು ಹೋಗಿ ಶಿಕ್ಷಕಿಯೊ ಬ್ಬರು ಬರೋಬ್ಬರಿ 1.13 ಲಕ್ಷ ರೂಪಾಯಿ ಕಳೆದು ಕೊಂಡಿದ್ದಾರೆ.ಶಿಕಾರಿಪುರದ ಶಿಕ್ಷಕಿಯೊಬ್ಬರು ಹೀಗೆ ಮೋಸ ಹೋಗಿರುವ ಪ್ರಕರಣ ಬೆಳಕಿಗೆ ಬಂದಿದೆ.
ಖಾಲಿ ಗೋಣಿಚೀಲ ಖರೀದಿಗಾಗಿ ಗೂಗಲ್ ನಲ್ಲಿ ಹುಡುಕಾಟ ನಡೆಸಿದ ಈ ಶಿಕ್ಷಕಿಗೆ ಆನ್ ಲೈನ್ ಟ್ರೇಡಿಂಗ್ ವೆಬ್ ಸೈಟ್ ಸಿಕ್ಕಿದೆ.ಇವರು ಅದಕ್ಕೆ ಇ-ಮೇಲ್ ಕೂಡ ಮಾಡಿದ್ದರು.ಏಪ್ರಿಲ್ 11ರಂದು ಆ ಇಮೇಲ್ ಗೆ ಪ್ರತಿಕ್ರಿಯೆ ಕೂಡಾ ಬಂದಿತ್ತು. ಈ ಮೇಲ್ ಸಂದೇಶದಲ್ಲಿ ಕಂಪನಿಯ ವ್ಯವಸ್ಥಾಪಕ ನಿರ್ದೇಶಕ ಎಂದು ವ್ಯಕ್ತಿಯೊಬ್ಬ ಪರಿಚಯ ಮಾಡಿಕೊಂಡಿದ್ದ.ಆತ ವಾಟ್ಸ್ ಆಪ್ ನಂಬರ್ ಪಡೆದಿದ್ದು ಬಳಿಕ ಇಬ್ಬರೂ ವಾಟ್ಸ್ ಆಪ್ ಮೂಲಕ ವ್ಯವಹಾರದ ಬಗ್ಗೆ ಚರ್ಚಿಸಿದ್ದರು.
26 ಟನ್ ಖಾಲಿ ಚೀಲ ಬೇಕಿದೆ ಎಂದು ಶಿಕ್ಷಕಿ ಹೇಳಿದ್ದಕ್ಕೆ ಆತ,ಖಾಲಿ ಚೀಲಗಳ ಖರೀದಿಗೆ ಅರ್ಧದಷ್ಟು ಹಣವನ್ನು ಮುಂಗಡವಾಗಿ ಕಳುಹಿಸು ವಂತೆ ಸೂಚಿಸಿದ್ದ.ಅದರಂತೆ ದೆಹಲಿಯ ಬ್ಯಾಂಕ್ ಖಾತೆಯೊಂದಕ್ಕೆ 1,13,720 ರೂಪಾಯಿ ಆನ್ ಲೈನ್ ಮೂಲಕ ಶಿಕ್ಷಕಿ ಜಮೆ ಮಾಡಿದ್ದರು.
ಆನಂತರ ಆತ ವಾಹನದ ಸಾಗಾಣಿಕೆ ವೆಚ್ಚವಾಗಿ ಮತ್ತಷ್ಟು ಹಣ ಸಂದಾಯ ಮಾಡುವಂತೆ ಸೂಚಿ ಸಿದ್ದು ಅನು ಮಾನಗೊಂಡ ಶಿಕ್ಷಕಿ ಶಿವಮೊಗ್ಗದ ಸೈಬರ್ ಠಾಣೆಗೆ ದೂರು ನೀಡಿದ್ದಾರೆ.
