ಹುಬ್ಬಳ್ಳಿ –
ಹುಬ್ಬಳ್ಳಿ ರೈಲ್ವೇ ಪೊಲೀಸ್ ಠಾಣೆ ಸರಹದ್ದಿನ ಹುಬ್ಬಳ್ಳಿ ಉಣಕಲ್ ರೈಲ್ವೆ ನಿಲ್ದಾಣದ ಮಧ್ಯೆ ಅಪರಿಚಿತ ವ್ಯಕ್ತಿಯೊಬ್ಬರ ಶವ ಪತ್ತೆಯಾಗಿದೆ. ಸುಮಾರು 45 ರಿಂದ 50 ವರ್ಷದ ವ್ಯಕ್ತಿ ಹೊಂಗೆ ಮರಕ್ಕೆ ಏಣು ಹಾಕಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ. 5.5 ಅಡಿ ಎತ್ತರದ, ಗೋದಿ ಮೈಬಣ್ಣ, ಕೋಲು ಮುಖ ನೀಳವಾದ ಮೂಗು, ಬೊಕ್ಕು ತಲೆ ಅಲ್ಲಲ್ಲಿ ಕಪ್ಪು ಬಿಳಿ ಮಿಶ್ರಿತ ಕೂದಲು ಸಣ್ಣ ಮೀಸೆ ಗಡ್ಡ ಹೊಂದಿರುವ ಸಾಧಾರಣ ಶರೀದ ವ್ಯಕ್ತಿಯಾಗಿದ್ದಾನೆ.
ಒಂದು ತಿಳಿ ಬಣ್ಣದ ಉದ್ದನೆಯ ಗೆರೆಯುಳ್ಳ ತಂಬು ತೋಳಿನ ಶರ್ಟ್, ಹಸಿರು ಬಣ್ಣದ ಬನಿಯನ್ , ಬೂದು ಬಣ್ಣದ ಕಾಟನ್ ನೈಟ್ ಪ್ಯಾಂಟ್, ಹಸಿರು ಬಣ್ಣದ ಅಂಡರ್ ವೇರ್ , ಕಪ್ಪು ಬಣ್ಣದ ಉಡದಾರ, ಕಾಲಲ್ಲಿ ಒಂದು ಜೊತೆ ಹವಾಯ್ ಚಪ್ಪಲಿ ಇರುತ್ತವೆ.
ಕೊರಳಲ್ಲಿ ಹಾಗೂ ಕೈಯಲ್ಲಿ ಕಾಶಿದಾರ, ತಿಳಿಬಣ್ಣದ ಟವಲ್, ಹಳದಿ ಬಣ್ಣದ ಹಗ್ಗ ಇರುತ್ತವೆ.ಈ ಕುರಿತು ಹುಬ್ಬಳ್ಳಿ ರೈಲ್ವೇ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ. ಅಪರಿಚಿ ಶವದ ಗುರುತು ಪತ್ತೆಯಾದವರು ಅಥವಾ ವಾರಸುದಾರರು ದೂರವಾಣಿ ಸಂಖ್ಯೆ 0836-2384751 ಹಾಗೂ ಮೊಬೈಲ್ ಸಂಖ್ಯೆ 9480802126 ಸಂಪರ್ಕಿಸಬಹುದು ಎಂದು ಪ್ರಕಟಣೆಯಲ್ಲಿ ರೇಲ್ವೆ ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.
