ಉಡುಪಿ -
ಕುಂದಾಪುರ ಉಪವಿಭಾಗದಲ್ಲಿ ಸಹಾಯಕ ಆಯುಕ್ತ ರಾಗಿ ಸೇವೆ ಸಲ್ಲಿಸಿ ಬೆಸ್ಕಾಂ ಪ್ರಧಾನ ವ್ಯವಸ್ಥಾಪಕರಾಗಿ ಬೆಂಗಳೂರಿಗೆ ವರ್ಗಾವಣೆಗೊಂಡ ರಶ್ಮಿ ಎಸ್.ಆರ್. ಅವರಿಗೆ ಕುಂದಾಪುರ ತಾಲೂಕು ಆಡಳಿತ ವತಿ ಯಿಂದ ಗೌರವಾರ್ಪಣೆ ಹಾಗೂ ಬೀಳ್ಕೊಡುಗೆ ಸಮಾರಂಭ ನಗರದ ತಾಲೂಕು ಆಡಳಿತ ಕಚೇರಿಯಲ್ಲಿ ನಡೆಯಿತು.
ಗೌರವಾರ್ಪಣೆ ಸ್ವೀಕರಿಸಿ ಮಾತನಾಡಿದ ರಶ್ಮಿ, ವೃತ್ತಿ ಜೀವನದಲ್ಲಿ ಕುಂದಾಪುರ ಉಪವಿಭಾಗವು ಎಂದಿಗೂ ಮರೆಯಲಾಗದ ನೆನಪುಗಳನ್ನು ನೀಡಿದೆ. ಚುನಾವಣೆ ಗಳು,ಎಸ್‌ಐಆರ್ ಸೇರಿದಂತೆ ಆಡಳಿತ ವ್ಯವಸ್ಥೆಯ ಪ್ರತಿಯೊಂದು ಕಾರ್ಯದಲ್ಲೂ ಯಾವುದೇ ಅಡೆತಡೆ ಯಿಲ್ಲದೆ ಸಹಕರಿಸಿದ ಕಚೇರಿಯ ಸಹೋದ್ಯೋಗಿಗಳ ಸೇವೆಯನ್ನು ಮರೆಯಲಾಗದು ಎಂದರು.
ದೈನಂದಿನ ಆಡಳಿತ ಯಂತ್ರ ಇಷ್ಟು ಸುಗಮವಾಗಿ ನಡೆಯಲು ನೀವೆಲ್ಲರು ಕಾರಣ. ಪ್ರತಿಯೊಂದು ಸಂದರ್ಭದಲ್ಲೂ ಕಚೇರಿಯ ಸಹೋದ್ಯೋಗಿಗಳು ಸಾಮೂಹಿಕ ಜವಾಬ್ದಾರಿಯೊಂದಿಗೆ ಕೆಲಸ ಮಾಡಿದ್ದೀರಿ ಎಂದು ಮೆಚ್ಚುಗೆ ವ್ಯಕ್ತಪಡಿ ಸಿದರು ಅಲ್ಲದೇ ಉಪವಿಭಾಗ ವ್ಯಾಪ್ತಿಯ ಎಲ್ಲ ತಾಲೂಕುಗಳ ತಹಶೀಲ್ದಾರರು, ರಾಜಕೀಯ ನಾಯಕರು, ಸಂಘ-ಸಂಸ್ಥೆಗಳ ಮುಖಂಡರು ಹಾಗೂ ವಾಹನ ಚಾಲಕರು ನೀಡಿದ ಸಹಕಾರಕ್ಕೆ ಧನ್ಯವಾದ ಸಲ್ಲಿಸಿದರು.
ನೂತನ ಸಹಾಯಕ ಆಯುಕ್ತ ಮಹೇಶ್ ಪಿ.ಎಸ್. ಅಧ್ಯಕ್ಷತೆ ವಹಿಸಿದ್ದರು. ಕುಂದಾಪುರ ತಹಶೀಲ್ದಾರ್ ಪ್ರದೀಪ್ ಕುರ್ಡೇಕರ್ ಸೇರಿದಂತೆ ವಿವಿಧ ತಾಲೂಕು ಗಳ ತಹಶೀಲ್ದಾರರು ಹಾಗೂ ಕಚೇರಿ ಸಿಬಂದಿಗಳು ಮಾತನಾಡಿದರು. ಉಪ ತಹಶೀಲ್ದಾರ್ ವಿನಯ್ ಕಾರ್ಯಕ್ರಮ ನಿರೂಪಿಸಿ, ವಂಡ್ಸೆ ಕಂದಾಯ ನಿರೀಕ್ಷಕ ರಾಘವೇಂದ್ರ ಡಿ. ವಂದಿಸಿದರು.
ಸುದ್ದಿ ಸಂತೆ ನ್ಯೂಸ್ ಉಡುಪಿ.....
