ತಮಿಳುನಾಡು –
ತಮಿಳುನಾಡಿನಲ್ಲಿ ವಿಧಾನಸಭಾ ಚುನಾವಣೆಯ ಮತದಾನ ಪ್ರಕ್ರಿಯೆ ನಡೆಯುತ್ತಿದೆ. ನಿನ್ನೆ ನಡೆದ ಮತದಾನದಲ್ಲಿ ತಾಯಿ ಮತದಾನ ಮಾಡಲು ತೆರಳಿದ್ದ ವೇಳೆ ಅಳುತ್ತಿದ್ದ ಕಂದಮ್ಮನನ್ನ ಪೊಲೀಸ್ ಒಬ್ಬರು ಎತ್ತಿಕೊಂಡು ಸಂತೈಸುತ್ತಿರುವ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ಮೆಚ್ಚುಗೆಗೆ ಪಾತ್ರವಾಗ್ತಿದೆ .
ಪೋಟೋದಲ್ಲಿ ಕೆಂಪು ಬಣ್ಣದ ಹಾಸಿನ ಮೇಲೆ ಮಲಗಿದ್ದ ಮಗುವನ್ನ ಮತಗಟ್ಟೆಯ ಹೊರಗಡೆ ಪೊಲೀಸ್ ಹಿಡಿದುಕೊಂಡಿರೋದನ್ನ ಕಾಣಬಹು ದಾಗಿದೆ. ಈ ಫೋಟೋದಲ್ಲಿರುವ ಪೊಲೀಸ್ ಆಂಧ್ರಪ್ರದೇಶ ಅನಂತಪುರ ಜಿಲ್ಲೆಯ ಕಾನ್ ಸ್ಟೇಬಲ್ ಆಗಿದ್ದು ತಮಿಳುನಾಡು ಚುನಾವಣಾ ಡ್ಯೂಟಿಗೆ ನೇಮಿಸಲಾಗಿದೆ. ಈ ಫೋಟೋ ವನ್ನು ಆಂಧ್ರಪ್ರದೇಶ ಪೊಲೀಸ್ ಇಲಾಖೆ ಟ್ವಿಟರ್ ನಲ್ಲಿ ಶೇರ್ ಮಾಡಿದೆ.ಈ ಫೋಟೋ ಅನೇಕರ ಹೃದಯ ವನ್ನ ಗೆದ್ದಿದೆ ಎಂದು ಶೀರ್ಷಿಕೆ ನೀಡಲಾಗಿದೆ. ಈ ಫೋಟೋ ಟ್ವಿಟರ್ ನಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ.ತಮಿಳುನಾಡು ಚುನಾವಣಾ ಡ್ಯೂಟಿಗೆ ನೇಮಕಗೊಂಡಿದ್ದ ಆಂಧ್ರ ಪ್ರದೇಶ ಪೊಲೀಸ್ ಪೇದೆ ತಾಯಿ ಮತಗಟ್ಟೆಯಲ್ಲಿ ಮತ ಚಲಾಯಿಸಿ ಹೊರಗೆ ಬರುವವರೆಗೂ 1 ತಿಂಗಳ ಕಂದಮ್ಮನನ್ನ ನೋಡಿಕೊಂಡಿದ್ದಾರೆ.
