ಬೆಂಗಳೂರು -
8th Pay Commission ವಿಳಂಬವಾದರೆ ಸರ್ಕಾರಿ ನೌಕರರಿಗೆ ಅರಿಯರ್ಸ್ ಹೆಚ್ಚಾಗಬಹುದೇ ಹೌದು ಹೊಸ ವೇತನ ಶ್ರೇಣಿ ಪರಿಣಾಮಕಾರಿ ದಿನಾಂಕ ಮತ್ತು ವಾಸ್ತವಿಕ ಅನುಷ್ಠಾನದ ನಡುವೆ ಅಂತರ ಉಂಟಾದರೆ, ಆ ಅವಧಿಗೆ ಬಾಕಿ ಮೊತ್ತ ಅಥವಾ ಅರಿಯರ್ಸ್ ಪಾವತಿಸುವ ಪ್ರಶ್ನೆ ಎದುರಾಗಬಹುದು. ಜನವರಿ 1, 2026ರಿಂದ ಪರಿಷ್ಕೃತ ವೇತನ ಅನ್ವಯಿ ಸುವ ನಿರ್ಧಾರವಾದರೆ ಅನುಷ್ಠಾನ ಮತ್ತಷ್ಟು ವಿಳಂಬವಾದಷ್ಟು ಬಾಕಿ ಮೊತ್ತದ ಅವಧಿಯೂ ಹೆಚ್ಚಾಗಬಹುದು.
ಆದರೆ ಅರಿಯರ್ಸ್ ಪಾವತಿ, ಲೆಕ್ಕಾಚಾರ ಮತ್ತು ನಿಖರ ಅನುಷ್ಠಾನ ದಿನಾಂಕದ ಬಗ್ಗೆ ಅಂತಿಮ ನಿರ್ಧಾರವನ್ನು ಕೇಂದ್ರ ಸರ್ಕಾರವೇ ತೆಗೆದು ಕೊಳ್ಳಲಿದೆ.ಹಿಂದಿನ ವೇತನ ಆಯೋಗಗಳ ಅವಧಿ ಯನ್ನು ಗಮನಿಸಿದರೆ, ವರದಿ ಸಿದ್ಧಪಡಿಸುವ ಪ್ರಕ್ರಿಯೆಗೆ ಸಾಕಷ್ಟು ಸಮಯ ಬೇಕಾಗಿರುವುದು ಕಂಡುಬರುತ್ತದೆ. 7ನೇ ವೇತನ ಆಯೋಗವನ್ನು 2014ರ ಫೆಬ್ರವರಿಯಲ್ಲಿ ರಚಿಸಲಾಗಿದ್ದು, 2015ರ ನವೆಂಬರ್‌ನಲ್ಲಿ ವರದಿ ಸಲ್ಲಿಸಿತ್ತು. 6ನೇ ವೇತನ ಆಯೋಗವನ್ನು 2006ರ ಅಕ್ಟೋಬರ್‌ನಲ್ಲಿ ರಚಿಸಲಾಗಿದ್ದು, 2008ರ ಮಾರ್ಚ್‌ನಲ್ಲಿ ವರದಿ ಸಲ್ಲಿಸಿತ್ತು.
ಹೀಗಾಗಿ 8ನೇ ವೇತನ ಆಯೋಗದ 18 ತಿಂಗಳ ಗಡುವು ಪ್ರಮುಖವಾಗಿದ್ದು, ವರದಿ ಸಲ್ಲಿಕೆಯ ನಂತರದ ಸರ್ಕಾರಿ ಪರಿಶೀಲನೆ ಮತ್ತು ಅನುಷ್ಠಾನ ಪ್ರಕ್ರಿಯೆಯೇ ನೌಕರರ ಸಂಬಳ ಏರಿಕೆ ಯಾವಾಗ ಕೈಗೆ ಸಿಗಲಿದೆ ಎಂಬುದನ್ನು ನಿರ್ಧರಿಸಲಿದ್ದು ಶೀಘ್ರದಲ್ಲೇ ಈ ಒಂದು ಕುರಿತು ನೌಕರರಿಗೆ ಸ್ಪಷ್ಟವಾದ ಮಾಹಿತಿ ಸಿಗಲಿದೆ
ಸುದ್ದಿ ಸಂತೆ ನ್ಯೂಸ್ ಬೆಂಗಳೂರು.....
