ಕುಣಿಗಲ್ -
ಕುಣಿಗಲ್ ತಾಲ್ಲೂಕು ವಿದ್ಯಾ ಇಲಾಖೆ ಸರ್ಕಾರಿ ನೌಕರರ ಸಹಕಾರ ಸಂಘದ ಸರ್ವ ಸದಸ್ಯರ ವಾರ್ಷಿಕ ಮಹಾಸಭೆಯಲ್ಲಿ ಶಿಕ್ಷಕರ ಒಂದು ಗುಂಪೊಂದು ಪ್ರತಿಭಟನೆ ಮಾಡಿದ ಘಟನೆ ನಡೆದಿದೆ ಹೆಚ್ಚುವರಿ ಸಿಬ್ಬಂದಿ ನೇಮಕಾತಿಯ ಪ್ರಕ್ರಿಯೆಗಳನ್ನು ಖಂಡಿಸಿ ಪ್ರತಿಭಟನೆ ನಡೆಸಿದರು
ಅಧ್ಯಕ್ಷ ರಾಮಸ್ವಾಮಿ ಅಧ್ಯಕ್ಷತೆಯಲ್ಲಿ ನಡೆದ ಸಭೆ ಯಲ್ಲಿ ಸಂಘದಲ್ಲಿ ಹೆಚ್ಚಿನ ಕಾರ್ಯಭಾರವಿಲ್ಲದಿದ್ದರೂ ನಿರ್ದೇಶಕರ ಸಭೆಯಲ್ಲಿ ಚರ್ಚಿಸದೆ ಸರ್ವಸದಸ್ಯರ ಸಭೆಯಲ್ಲಿ ನಿರ್ಣಯ ತೆಗೆದುಕೊಳ್ಳಲು ಹೊರಟಿರುವು ದನ್ನು ಮಾಜಿ ಅಧ್ಯಕ್ಷ ಜಿ.ಶಿವರಾಮಯ್ಯ ಖಂಡಿಸಿದರು
ಹೆಚ್ಚಿನ ಸಿಬ್ಬಂದಿ ನೇಮಕಾತಿ ಪರ 50 ಸದಸ್ಯರ ಬೆಂಬಲವಿದೆ ವಿರೋಧವಾಗಿ 30 ಸದಸ್ಯರ ಬೆಂಬಲ ವಿದೆ ಎಂದು ಅಧ್ಯಕ್ಷ ರಾಮಸ್ವಾಮಿ ತಿಳಿಸಿದಾಗ, ಆಡಳಿತಾರೂಢ ನಿರ್ದೇಶಕರು ಶಾಲೆಗಳಿಗೆ ತೆರಳಿ ಸದಸ್ಯರಿಗೆ ತಪ್ಪು ಮಾಹಿತಿ ನೀಡಿ ಸಹಿ ಪಡೆದಿದ್ದಾರೆ.
ಸಭೆಯಲ್ಲಿ ಚರ್ಚಿಸಲು ಆಗ್ರಹಿಸಿ ಹೆಚ್ಚುವರಿ ಸಿಬ್ಬಂದಿ ನೇಮಕಾತಿ ಖಂಡಿಸಿ ಪ್ರತಿಭಟನೆ ನಡೆಸಿದರು.
ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘದ ಮಾಜಿ ಅಧ್ಯಕ್ಷ ಗೋವಿಂದರಾಜು, ಕಳೆದ ಸಭೆಯಲ್ಲಿ ಸದಸ್ಯರಿಗೆ ನಿವೇಶನ ನೀಡುವುದಾಗಿ ತಿಳಿಸಿದ್ದು, ನಿವೇಶನ ನೀಡದಿರುವ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದರು.
ಕಾಳೇಗೌಡ, ಶಿವಲಿಂಗಯ್ಯ, ವಿಜಯಕುಮಾರ್, ವಿಶ್ವಪ್ರಕಾಶ್, ರೂಪಾ, ಲೀಲಾವತಿ, ಜಯಶ್ರೀ, ಸುಜಾತಾ, ಪ್ರಕಾಶ್, ಸುರೇಶ್, ವೆಂಕಟೇಶ್, ರಾಜಣ್ಣ, ನಂಜುಂಡಯ್ಯ ಪ್ರತಿಭಟನೆಯಲ್ಲಿ ಹಾಜರಿದ್ದರು.
ಹೆಚ್ಚುವರಿ ಸಿಬ್ಬಂದಿ ನೇಮಕಾತಿಗೆ 50 ಶಿಕ್ಷಕರು ಲಿಖಿತ ವಾಗಿ ಬೆಂಬಲಿಸಿದ್ದಾರೆ ಎಲ್ಲವೂ ಇಲಾಖೆಯ ನಿಯಮಾನುಸಾರ ನಡೆಯಲಿದೆ ಒಂದು ಗುಂಪು ವಿರೋಧ ವ್ಯಕ್ತಪಡಿಸಿದೆ ಎಂದು ಅಧ್ಯಕ್ಷ ರಾಮಸ್ವಾಮಿ 'ತಿಳಿಸಿದ್ದಾರೆ.
ಸುದ್ದಿ ಸಂತೆ ನ್ಯೂಸ್ ಕುಣಿಗಲ್.....
