ಬೆಂಗಳೂರು –
ದಿನಾಂಕ 9, 10 ಹಾಗೂ 11/2/2022 ರಂದು ಒಂದನೆಯ ತರಗತಿಯಿಂದ ರಿಂದ ಎಂಟನೆಯ ತರಗತಿಗಳು ಯಥಾ ವತ್ತಾಗಿ ನಡೆಯಲಿವೆ. 9 ಹಾಗೂ 10 ನೆಯ ತರಗತಿ ವಿದ್ಯಾರ್ಥಿಗಳಿಗೆ ಮಾತ್ರ ರಜೆ ನೀಡಲಾಗಿದ್ದು ಪರೀಕ್ಷಾ ಸಮಯವಾದ್ದರಿಂದ ಶಿಕ್ಷಕರು ಶಾಲೆಯಲ್ಲಿದ್ದು ಈ ಮಕ್ಕಳಿಗೆ ಕಡ್ಡಾಯವಾಗಿ ಆನ್ ಲೈನ್ ಮೂಲಕ ತರಗತಿಗಳನ್ನು ನಡೆಸಿ ಮಾರ್ಗದರ್ಶನ ಮಾಡುವುದು ಎಂದು ಇಲಾಖೆಯ ಅಧಿಕಾರಿಗಳು ಮಹತ್ವದ ಸೂಚನೆ ನೀಡಿದ್ದಾರೆ.
ದಿನಾಂಕ 9, 10 ಹಾಗೂ 11/2/2022 ರಂದು ನಡೆಯ ಬೇಕಿದ್ದ ದ್ವಿತೀಯ ಭಾಷೆ, ಗಣಿತ ಹಾಗೂ ತೃತೀಯ ಭಾಷೆಯ ಎಸ್.ಎಸ್.ಎಲ್.ಸಿ ಒಂದನೆಯ ಪೂರ್ವ ಸಿದ್ಧತಾ ಪರೀಕ್ಷೆಗಳನ್ನು ಕ್ರಮವಾಗಿ ದಿನಾಂಕ 14, 15 ಹಾಗೂ 16/2/2022 – ಈ ದಿನಗಳಂದು ನಡೆಸುವುದು. ದಿನಾಂಕ 12/2/2022 ರಂದು ನಡೆಯಲಿರುವ ವಿಜ್ಞಾನ ವಿಷಯದ ಪರೀಕ್ಷೆಯು ಯಥಾಪ್ರಕಾರ ನಡೆಸಲು ತಿಳಿಸಿದೆ
ನಾಳೆ ದಿನಾಂಕ 9/2/2022 ಹಾಗೂ 10/2/2022 ಈ ಎರಡು ದಿನ ಪ್ರೌಢಶಾಲಾ ಮುಖ್ಯೋಪಾಧ್ಯಾಯರ ಜಿಲ್ಲಾ ಮಟ್ಟದ ಸಭೆಯು ಈಗಾಗಲೇ ಸೂಚಿಸಿದಂತೆ ನಡೆಯ ಲಿದ್ದು, ಸದರ ದಿನಾಂಕಗಳಂದು ಸಂಬಂಧಿಸಿದ ತಾಲೂಕಿನ ಮುಖ್ಯೋಪಾಧ್ಯಾಯರು ನಿಗದಿತ ಸ್ಥಳದಲ್ಲಿ ಬೆಳಿಗ್ಗೆ ಸರಿಯಾಗಿ 10.00. ಗಂಟೆಗೆ ಹಾಜರಿರಲು ಸೂಚಿಸಿದ್ದು ಬಿಇಓ ಅವರಿಗೆ ಈ ಒಂದು ಕುರಿತು ಮಹತ್ವದ ಕಾರ್ಯ ನಿರ್ವಹಿಸಲು ಹೇಳಲಾಗಿದೆ.
