ಶಿಕ್ಷಕಿ ನನ್ನು ಕೂಡಿ ಹಾಕಿದವನ ಬಂಧನ – ಪೊಲೀಸರಿಂದ ಆರೋಪಿ ಬಂಧನ…..

 

ಬೆಂಗಳೂರು –

ಸಾಮಾಜಿಕ ಹಾಗೂ ಶೈಕ್ಷಣಿಕ ಸಮೀಕ್ಷೆಗೆ ತೆರಳಿದ್ದ ಸರ್ಕಾರಿ ಪ್ರಾಥಮಿಕ ಶಾಲಾ ಶಿಕ್ಷಕಿಯೊಬ್ಬರ ಕರ್ತವ್ಯಕ್ಕೆ ಅಡ್ಡಿಪಡಿಸಿ, ಮನೆಯ ಕಾಂಪೌಂಡ್​​​ನಲ್ಲಿ ಕೂಡಿಹಾಕಿದ್ದ ಆರೋಪಿಯನ್ನು ಕೊಡಿಗೆಹಳ್ಳಿ ಠಾಣೆ ಪೊಲೀಸರು ಬಂಧಿಸಿದ್ದಾರೆ.ಕೋಟಿ ಹೊಸಹಳ್ಳಿಯ ಬಿ.ಆರ್. ಸಂದೀಪ್ ಬಂಧಿತ ಆರೋಪಿಯಾಗಿದ್ದು ಶಿಕ್ಷಕಿ ಸುಶೀಲಮ್ಮ, ಕೋಟಿ ಹೊಸಹಳ್ಳಿಯ ಸರ್ಕಾರಿ ಪ್ರಾಥಮಿಕ ಶಾಲೆಯಲ್ಲಿ ಕೆಲಸ ಮಾಡುತ್ತಿದ್ದಾರೆ.

ಆರೋಪಿ ಬಿ.ಆರ್. ಸಂದೀಪ್ ಅವರನ್ನು ಬಂಧಿಸಿ ಬಳಿಕ. ಜಾಮೀನಿನ ಮೇಲೆ ಬಿಡುಗಡೆ ಮಾಡಲಾಯಿತು. ಸಂದೀಪ್ ಗೋರಗುಂಟೆಪಾಳ್ಯ ಬಳಿ ಚಹಾ ಅಂಗಡಿ ನಡೆಸುತ್ತಿದ್ದಾರೆ.ಸುಶೀಲಮ್ಮ ಸಮೀಕ್ಷೆ ನಡೆಸಲು ಸಂದೀಪ್ ಅವರ ಮನೆಗೆ ಹೋಗಿದ್ದರು. ಅವರ ವಯಸ್ಸಾದ ತಾಯಿ ಮಾತ್ರ ಮನೆಯಲ್ಲಿದ್ದರು, ಅವರ ಪತ್ನಿ ಮತ್ತು ಮಗು ಹೊರಗೆ ಹೋಗಿದ್ದರು.

ಶಿಕ್ಷಕಿ ಆರೋಪಿಯ ತಾಯಿಗೆ ಆಧಾರ್ ಕಾರ್ಡ್ ಮತ್ತು ಇತರ ದಾಖಲೆಗಳನ್ನು ನೀಡುವಂತೆ ಕೇಳಿದರು ಮತ್ತು OTP ಸಂಖ್ಯೆಯನ್ನು ಸಹ ಪಡೆದರು.ಈ ಸಮಯದಲ್ಲಿ, ಮನೆಗೆ ಬಂದ ಸಂದೀಪ್, ತನ್ನ ತಾಯಿಯಿಂದ OTP ತೆಗೆದುಕೊಂಡಿದ್ದಕ್ಕಾಗಿ ಶಿಕ್ಷಕಿಯೊಂದಿಗೆ ಜಗಳವಾಡಲು ಪ್ರಾರಂಭಿಸಿದನು. ಶಿಕ್ಷಕಿ ತಾನು ಸಮೀಕ್ಷೆಗೆ ಬಂದಿದ್ದೇನೆ ಎಂದು ಪರಿಚಯಿಸಿಕೊಂಡು ಅವರ ಗುರುತಿನ ಚೀಟಿಯನ್ನು ತೋರಿಸಿದರೂ,

ಆರೋಪಿ ಆಕೆಯ ಮಾತನ್ನು ನಂಬಲಿಲ್ಲ. ಅವಳು ಯಾವ ಕಂಪನಿಯಿಂದ ಬಂದಿದ್ದೀಯಾ ಎಂದು ಕೇಳುತ್ತಾ ಕೂಗಾಡಲು ಪ್ರಾರಂಭಿಸಿದನು.

ಸುದ್ದಿ ಸಂತೆ ನ್ಯೂಸ್ ಬೆಂಗಳೂರು…..