ಬೆಂಗಳೂರು -
ಕರ್ನಾಟಕ ರಾಜ್ಯ ಸರ್ಕಾರಿ ನೌಕರರ ಸೇವಾ ವಿವರ ಗಳನ್ನು ಸಂಪೂರ್ಣವಾಗಿ ಡಿಜಿಟಲೀಕರಣಗೊಳಿ ಸುವ ನಿಟ್ಟಿನಲ್ಲಿ ಆರ್ಥಿಕ ಇಲಾಖೆಯು ಮಹತ್ವದ ಹೆಜ್ಜೆಯಿಟ್ಟಿದೆ ಎಲ್ಲಾ ಇಲಾಖೆಗಳ ಅಧಿಕಾರಿಗಳು ಮತ್ತು ನೌಕರರ ಸೇವಾ ವಹಿಯನ್ನು ಕಡ್ಡಾಯವಾಗಿ ಎಲೆಕ್ಟ್ರಾನಿಕ್ ಸರ್ವೀಸ್ ರಿಜಿಸ್ಟರ್ (e-SR) ನಲ್ಲಿ ಅನುಷ್ಠಾನಗೊಳಿಸುವಂತೆ ಸೂಚಿಸಿರುವ ಸರ್ಕಾರ, ಇದೀಗ e-SR ಪ್ರಕಟಿಸುವ ಕಾರ್ಯವನ್ನು ಪೂರ್ಣ ಗೊಳಿಸಲು ಗಡುವನ್ನು ವಿಸ್ತರಿಸಿ ನವೆಂಬರ್ 17, 2026 ರಂದು ನೂತನ ಆದೇಶ ಹೊರಡಿಸಿದೆ.
2021-22ನೇ ಸಾಲಿನಿಂದಲೇ ಸರ್ಕಾರಿ ಸೇವೆಗೆ ಸೇರ್ಪಡೆಗೊಳ್ಳುವ ಎಲ್ಲಾ ನೌಕರರ ಸೇವಾ ವಹಿಯನ್ನು ವಿದ್ಯುನ್ಮಾನ ಸೇವಾ ವಹಿ (e-SR) ಮುಖಾಂತರ ನಿರ್ವಹಿಸಲು ಈ ಹಿಂದೆಯೇ ಸರ್ಕಾರ ಆದೇಶಿಸಿತ್ತು. ಪ್ರಸ್ತುತ ಎಲ್ಲಾ ಇಲಾಖೆಗಳು HRMS-2 ತಂತ್ರಾಂಶಕ್ಕೆ ಸೇರ್ಪಡೆಗೊಂಡಿದ್ದು ಮುಂಬರುವ ದಿನಗಳಲ್ಲಿ ಅಧಿಕಾರಿಗಳ ಹಾಗೂ ನೌಕರರ ವಾರ್ಷಿಕ ವೇತನ ಬಡ್ತಿ, ಹಿಂದಿನ ಬಡ್ತಿ, ವರ್ಗಾವಣೆ ಸೇರಿದಂತೆ ಇತರ ಸೇವಾ ವಿವರಗಳನ್ನು e-SR ಮೂಲಕವೇ ಪರಿಗಣಿಸಲಾಗುತ್ತದೆ. ಅಲ್ಲದೆ, ಮಹಾಲೇಖಪಾಲರ (CAG) ಕಾಗದರಹಿತ ಕಾರ್ಯವಿಧಾನದ ಆಶಯ ದಂತೆ ಪಿಂಚಣಿ ಪ್ರಕ್ರಿಯೆಯನ್ನು ಸಂಪೂರ್ಣವಾಗಿ ಡಿಜಿಟಲೀಕರಣಗೊಳಿಸುವ ಸಲುವಾಗಿ ಎಲ್ಲಾ ಪಿಂಚಣಿ ಪ್ರಸ್ತಾವನೆಗಳನ್ನು ಇ-ಸೇವಾ ವಹಿ ಒಳಗೊಂಡಂತೆ ಕೇವಲ ಆನ್ಲೈನ್ ಮೂಲಕವೇ ರವಾನಿಸುವಂತೆ ಕಟ್ಟುನಿಟ್ಟಿನ ನಿರ್ದೇಶನ ನೀಡ ಲಾಗಿದೆ.
ಮಾರ್ಚ್ 2026ರೊಳಗೆ ಸಿಬ್ಬಂದಿಯ ವೈಯಕ್ತಿಕ e-SR ಕಾರ್ಯವನ್ನು ಪೂರ್ಣಗೊಳಿಸಲು ಸೂಚಿಸಲಾಗಿ ದ್ದರೂ, ಇಲಾಖೆಗಳ ಪ್ರಗತಿಯು ತೃಪ್ತಿಕರವಾಗಿರಲಿಲ್ಲ. ಜೊತೆಗೆ ಅಕ್ಟೋಬರ್ 2026ರ ಅಂತ್ಯಕ್ಕೆ ಹಳೆಯ HRMS-1.0 ಸೇವೆಯನ್ನು ಸಂಪೂರ್ಣವಾಗಿ ಸ್ಥಗಿತ ಗೊಳಿಸುವ ಬಗ್ಗೆಯೂ ಎಚ್ಚರಿಸಲಾಗಿತ್ತು. ಇದೀಗ ಅನೇಕ ಇಲಾಖಾ ಮುಖ್ಯಸ್ಥರು ಕಾಲಾವಕಾಶ ಕೋರಿದ ಹಿನ್ನೆಲೆಯಲ್ಲಿ, e-SR ಪೂರ್ಣಗೊಳಿಸುವ ಅಂತಿಮ ದಿನಾಂಕವನ್ನು 31/12/2026 ರವರೆಗೆ ವಿಸ್ತರಿಸಲಾಗಿದೆ.
ಆದರೆ, HRMS-2.0 ತಂತ್ರಾಂಶದಲ್ಲಿ ಲಭ್ಯವಿರುವ ಸೇವಾ ಸೌಲಭ್ಯಗಳನ್ನು ಪಡೆಯಲು ಎಲ್ಲಾ ಅಧಿಕಾರಿ ಹಾಗೂ ನೌಕರರು ಕಡ್ಡಾಯವಾಗಿ ದಿನಾಂಕ 15/12/2026 ರೊಳಗೆ ತಮ್ಮ e-SR ಅನ್ನು ಪೂರ್ಣ ಗೊಳಿಸಿ ಪ್ರಕಟಿಸುವಂತೆ ಆರ್ಥಿಕ ಇಲಾಖೆಯ ಹೆಚ್ ಆರ್ ಎಂ ಎಸ್-2.0 ಯೋಜನಾ ವ್ಯವಸ್ಥಾಪಕರು ಕಟ್ಟುನಿಟ್ಟಾಗಿ ಸೂಚಿಸಿದ್ದಾರೆ. ಜನವರಿ 2027 ರಿಂದ ಕೇವಲ e-SR ಪ್ರಕಟವಾಗಿರುವ ನೌಕರರಿಗೆ ಮಾತ್ರ ವರ್ಗಾವಣೆ, ಮುಂಬಡ್ತಿ, ವಾರ್ಷಿಕ ವೇತನ ಬಡ್ತಿ ಮತ್ತು ಇತರ ಸೇವಾ ಸೌಲಭ್ಯಗಳು ದೊರೆಯಲಿವೆ ಎಂದು ಆದೇಶದಲ್ಲಿ ಸ್ಪಷ್ಟಪಡಿಸಲಾಗಿದೆ.
ಸುದ್ದಿ ಸಂತೆ ನ್ಯೂಸ್ ಬೆಂಗಳೂರು.....