ಕ್ಯಾರಕೊಪ್ಪ ರೈಲ್ವೇ ನಿಲ್ದಾಣದಲ್ಲಿ ಯುವಕನ ಶವ – ಇವನ ಬಗ್ಗೆ ಮಾಹಿತಿ ಇದ್ದರೆ ಪೊಲೀಸರಿಗೆ ಮಾಹಿತಿ ನೀಡಿ

ಧಾರವಾಡ –

ಹುಬ್ಬಳ್ಳಿ ರೈಲ್ವೇ ಪೊಲೀಸ್ ಠಾಣೆ ಸರಹದ್ದಿನ ಧಾರವಾಡ- ಕ್ಯಾರಕೊಪ್ಪ ರೈಲ್ವೆ ನಿಲ್ದಾಣದ ಮಧ್ಯೆ ಅಪರಿಚಿತ ಶವ ಪತ್ತೆಯಾಗಿದೆ.ಸುಮಾರು 30 ರಿಂದ 35 ವರ್ಷದ‌ ಯುವಕ ಚಲಿಸುವ ರೈಲು ಗಾಡಿಯಿಂದ ಬಿದ್ದು ಮೃತ ಪಟ್ಟಿರುತ್ತಾನೆ. 5.5 ಅಡಿ ಎತ್ತರದ, ಗೋದಿ ಮೈಬಣ್ಣ, ನೀಳವಾದ ಮೂಗು, ಗುಂಗರ ಕೂದಲು ದಪ್ಪ ಮೀಸೆ ಗಡ್ಡ ಹೊಂದಿರುವ ಸಾಧಾರಣ ಶರೀದ ವ್ಯಕ್ತಿಯಾಗಿದ್ದಾನೆ. ಹಳದಿ ಬಣ್ಣದ ಟಿ ಶರ್ಟ್ ಅದರ ಮೇಲೆ ಕಪ್ಪು ಮತ್ತು ಕೆಂಪು ಮಿಶ್ರಿತ ಜಾಕೆಟ್ ಹಾಕಿರುತ್ತಾನೆ.

ಈ ಕುರಿತು ಹುಬ್ಬಳ್ಳಿ ರೈಲ್ವೇ ಪೊಲೀಸ್ ಠಾಣೆಯಲ್ಲಿ‌ ದೂರು ದಾಖಲಾಗಿದೆ. ಅಪರಿಚಿ ಶವದ ಗುರುತು ಪತ್ತೆಯಾದವರು ಅಥವಾ ವಾರಸುದಾರರು ದೂರವಾಣಿ ಸಂಖ್ಯೆ 0836-2384751 ಹಾಗೂ ಮೊಬೈಲ್ ಸಂಖ್ಯೆ 9480802126 ಸಂಪರ್ಕಿಸ ಬಹುದು ಎಂದು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.