ರಾಜಸ್ಥಾನ –
ಕೇಂದ್ರ ಸರ್ಕಾರದ ನಂತರ ರಾಜಸ್ಥಾನದ ಉದ್ಯೋಗಿಗಳಿಗೆ ಮುಖ್ಯಮಂತ್ರಿ ಭರ್ಜರಿ ಗಿಫ್ಟ್ ನೀಡಿದ್ದಾರೆ ಮುಖ್ಯಮಂತ್ರಿ ಅಶೋಕ್ ಗೆಹ್ಲೋಟ್ ರಾಜ್ಯದ ನೌಕರರಿಗೆ ತುಟ್ಟಿಭತ್ಯೆ (ಡಿಎ) ಹೆಚ್ಚಿಸುವುದಾಗಿ ಘೋಷಿಸಿದ್ದಾರೆ ಸಿಎಂ ಗೆಹ್ಲೋಟ್ ಟ್ವೀಟ್ ಮೂಲಕ ಪ್ರಕಟಿಸಿದ್ದಾರೆ.ಈಗ ರಾಜ್ಯ ನೌಕರರು ಮತ್ತು ಪಿಂಚಣಿದಾರರಿಗೆ ಜನವರಿ 1, 2022 ರಿಂದ 34 ಪ್ರತಿಶತ ತುಟ್ಟಿಭತ್ಯೆ (ಡಿಎ) ಮತ್ತು ಡಿಯರ್ನೆಸ್ ರಿಲೀಫ್ (ಡಿಆರ್) ನೀಡಲಾಗುವುದು ಎಂದು ಅವರು ಹೇಳಿದರು.
ಸಿಎಂ ಗೆಹ್ಲೋಟ್ ಟ್ವೀಟ್‌ನಲ್ಲಿ ಮಾಹಿತಿಯನ್ನು ನೀಡಿದ್ದು ರಾಜ್ಯ ನೌಕರರಿಗೆ ಪಾವತಿಸ ಬೇಕಾದ ತುಟ್ಟಿಭತ್ಯೆ ಮತ್ತು ಪಿಂಚಣಿದಾರರಿಗೆ ತುಟ್ಟಿಭತ್ಯೆ ದರವನ್ನು ಕೇಂದ್ರ ಸರ್ಕಾರಿ ನೌಕರರಿಗೆ ಅನುಗುಣವಾಗಿ ಶೇಕಡಾ ಮೂರರಷ್ಟು ಅನು ಮೋದಿಸಲಾಗಿದೆ.ಈಗ 34 ಪ್ರತಿಶತ ತುಟ್ಟಿಭತ್ಯೆ ಮತ್ತು ತುಟ್ಟಿ ಪರಿಹಾರ ದರವನ್ನು ಜನವರಿ 1, 2022 ರಿಂದ ರಾಜ್ಯ ನೌಕರರು ಮತ್ತು ಪಿಂಚಣಿದಾರರಿಗೆ ಪಾವತಿಸಲಾಗುವುದು ಕಳೆದ ವರ್ಷವೂ ಹೆಚ್ಚಿಸಲಾಗಿತ್ತು.2021 ರಲ್ಲಿ ರಾಜ್ಯ ನೌಕ ರರ ತುಟ್ಟಿಭತ್ಯೆಯನ್ನು ಶೇಕಡಾ 28 ರ ಬದಲು ಶೇಕಡಾ 31 ಕ್ಕೆ ಹೆಚ್ಚಿಸಲಾಗಿದೆ ಎಂಬುದು ಗಮನಿಸಬೇಕಾದ ಸಂಗತಿ. ಅಂದರೆ ಉದ್ಯೋಗಿಗಳ ಡಿಎಯನ್ನು ಶೇ.3 ರಷ್ಟು ಹೆಚ್ಚಿಸ ಲಾಗಿತ್ತು.ಸರಕಾರ ಮತ್ತೊಮ್ಮೆ ಡಿಎಯನ್ನು ಶೇ.3ಕ್ಕೆ ಹೆಚ್ಚಿಸಿ ಎರಡು ವರ್ಷದೊಳಗೆ ನೌಕರರಿಗೆ ಶೇ.6ರಷ್ಟು ಡಿಎ ಉಡು ಗೊರೆ ನೀಡಿದೆ. ಇದರಿಂದ ರಾಜ್ಯದ ರಾಜ್ಯ ನೌಕರರಲ್ಲಿ ಸಂತಸದ ಅಲೆ ಎದ್ದಿದೆ.ಕೇಂದ್ರದ ಮೋದಿ ಸರ್ಕಾರವು ಕೇಂದ್ರ ಸರ್ಕಾರಿ ನೌಕರರು ಮತ್ತು ಪಿಂಚಣಿದಾರರ ಡಿಎಯಲ್ಲಿ 3% ಹೆಚ್ಚಳಕ್ಕೆ ಅನುಮೋದನೆ ನೀಡಿದ್ದು ಇನ್ನೂ ಹೊಸ ಹಣಕಾಸು ವರ್ಷ ಆರಂಭಕ್ಕೂ ಮುನ್ನ ಉದ್ಯೋ ಗಿಗಳ ಡಿಎ ಶೇ.31ರಿಂದ ಶೇ.34ಕ್ಕೆ ಏರಿಕೆಯಾಗಿದ್ದು ಇದರ ಬೆನ್ನಲ್ಲೇ ಇದೀಗ ರಾಜಸ್ಥಾನ ಸರ್ಕಾರ ಮಹತ್ವದಘೋಷಣೆ ಮಾಡಿದೆ.
